PUISI MANDAILING

O Mandailing Godang !
Tano inganan ku sorang,
Na ni atir ni dolok na lampas
Na ni joling ni dolok na martimbus,
Ipul na na laing bubus

Tor Sihite tingon julu:
Patontang dohot
Tor Barerang,
Gurung gurung na manompi Lubu,
Boi na mang adop tu dolok Sigantang

…..Tinggal ma ho jolo ale,
Anta piga taon ngada u boto;
Muda u ida ho mulak muse,
Ulang be nian sai ma oto.

Lao ita marsarak,
Mar sipaingot dope au di O:
Ulang lupa paingot danak,
Manjalai bisuk na peto